"Mina terroru bitmədən iki dövlət arasında hansısa normal əlaqələrdən danışmaq qeyri-mümkündür" - Politoloq

Martın 3-də Ağdam rayonunun Əhmədağalı kəndi ərazisində mina partlayışı baş verib. Mina partlayışı nəticəsində 1995-ci il təvəllüdlü Ağdam rayon sakini Abbasov Bəxtiyar Yaqub oğlu keçmiş təmas xəttində, minalardan təmizlənməmiş ərazidə heyvan otararkən piyada əleyhinə mina partlayışı nətisində hər iki ayağından xəsarət alıb.

Məsələ ilə bağlı politoloq Tural İsmayılov Sonxeber.az-a açıqlama verib.
Politoloq bildirb ki, böyük dövlətlər Ermənistanın dünyanın gözü qarşısında törətdiyi cinayətlərə göz yumur:

"Mina terroru Ermənistanın illeqal fəaliyyətlərə terroçuluğa yönəldiyini bir daha göstərir. Ermənistanın mahiyyətinin başdan-ayağa terrordan ibarət olduğu dünyaya sübut etmiş olur. Bu günə qədər Azərvaycandan vətəndaşlarına qarşı həyata keçirilən cinayatların açılmaması, mina cinayətlərinə dünyanın göz yumması edalətsizlik və simasızlığının növbəti göstəricilərindən biridir. Başqa vaxt haqdan, insan hüquqlarından danışan böyük dövlətlər Ermənistanın dünyanın gözü qarşısında törətdiyi cinayətlərə göz yumur. Bu da əlbəttə ki, bu tip hadisələrin yayılmasına səbəb olur. Ermənistanın Azərbaycana qarşı mina terroru bitmədən iki dövlət arasında hansısa normal əlaqələrdən danışmaq qeyri-mümkündür. İki ölkə əlaqələrini yüksək səviyyəyə çatdırmaq istəyirsə, mina terroru da sona çatmalıdır. Buna görə də Ermənistana real təyziq imkanların istifadə edilməlidir. Əks təqdirdə Ermənistanın Azərbaycana qarşı olan təxribatlara davam edəcək. Bu təxribatların cavabsız qalacağını düşünəcək. Nəticədə bölgəyə uzun müddətli sülh gəlməyəcək".

Telegramda izləyin