Evlərdə "Pitiminutka"larla bağlı yoxlanışlar aparıldı, NÖQSANLAR AŞKARLANDI - VİDEO

Son 2 ayda 19-hamam otaqlarında olmaqla, 21 nəfər dəm qazından dünyasını dəyişib. Zəhərlənən 262 nəfəri isə həyatda saxlamaq mümkün olub. Statistika narahat olmaq üçün kifayət qədər ciddidir. Bir müddət evlərdən və hamam otaqlarından su qızdırıcılarının çıxarılması ilə bağlı tapşırıqlar verildi. Bu günkü məsələ onu deməyə əsas verir ki, həmin təhlükə ilə yaşayanlar hələ də var.

Son xəbər.az xəbər verir ki, məsələ ilə "ARB Xəbər" süjet hazırlayıb. Bildirilib ki, "Azəriqaz" İB mənzillərdə yoxlamalar həyata keçirib. Yoxlamalara isə daha çox köhnə binalardan başlanılıb. Yoxlanılan evlərin birində dəm qazı təhlükəsi olmasa belə su qızdırıcısının düzgün yerdə qoyulmamasıdır. Mütəxəssislər deyir ki, hamam otağının ölçüləri əlverişlidirsə, su qızdırıcısı qoyula bilər.

"Vanna otağının həcmi standartlara uyğun deyil. Qazla işləyən su qızdırıcıları üçün dəm qazını aşkar edən dedektorlar olmalıdır. Burada biz həmin dedektoru müşahidə etmədik. Tüstü bazasına yanma və sorulma prosesi zəif olarsa, dəm qazının yaranma ehtimalı artır. Müşahidə olundu ki, bu mənzildə sorulma normaldır".

Ətraflı "Arb Xəbər"in süjetində:

Telegramda izləyin