"Yalnız bu dəyişiklikdən sonra sülh danışıqlarına getmək olar" - Ekspert
Almatı Bəyannaməsi Ermənistan və Azərbaycan arasında sərhədlərin demarkasiyanın əsas prinsipi kimi hər iki tərəfdən qəbul edilib. Bu, geridönüşü olmayan reallıqdır, bu, hər iki ölkə tərəfindən yüksək səviyyədə bəyan edilib. Bunu baş nazir Nikol Paşinyan mətbuat konfransında deyib. Onun sözlərinə görə, Almatı Bəyannaməsinin sülh müqaviləsinə daxil edilməsi məsələsi Ermənistan və Azərbaycan xarici işlər nazirlərinin Almatıda keçiriləcək görüşü zamanı müzakirə olunacaq.
Məsələ ilə bağlı hərbi eskpert Səxavət Məmməd Sonxeber.az-a açıqlama verib.
O bildirib ki, yaxın zamanda sülh müqaviləsini imzalanacağını gözləmirəm:
"Azərbaycan və Ermənistan arasındakı delimitasiya məsələsi məhz Almatı Bəyannnaməsi ilə həyata keçiriləcəyini düşünmürəm . Çünki bu bəyannamədə müəyyən şərtlər varki, həmin şərtlərə görə müəyyən ərazilər Ermənistana daxil ola bilər. Azərbaycan sərhədlə bağlı fikirlərini açıq şəkildə bildirib. Təbii ki, sərhədlər Azərbyacanın tələb etdiyi kimi olacaq. Yaxın zamanda sülh müqaviləsini imzalanacağını gözləmirəm. Bunun üçün Rəsmi Bakının əsas tələbi olan Ermənistan konstitusiyasında müstəqillik aktının dəyişdirilməsi ilə bağlıdır. Bu dəyişiklik ediləndən sonra hansısa sülh danışıqlarına getmək olar. Delimitasiya prosesi də xeyli vaxt alacaq".
Qeyd edək ki, Azərbaycan və Ermənistan xarici işlər nazirlərinin Qazaxıstanın Almatı şəhərində gözlənilən görüşünün tarixi açıqlanıb. Bu barədə Azərbaycan Xarici İşlər Nazirliyinin (XİN) sözçüsü Ayxan Hacızadə məlumat yayıb. Onun sözlərinə görə, görüş mayın 10-da Almatıda baş tutacaq. Amma, hələlik, görüşün dəqiq gündəliyi açıqlanmır.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş