Azərbaycanda 4 ayda 17 qadın öldürülüb! - Vəkil SİYAHI paylaşıb HƏYƏCAN TƏBİLİ ÇALDI

Azərbaycanda 4 ayda 17 qadın öldürülüb! - Vəkil SİYAHI paylaşıb HƏYƏCAN TƏBİLİ ÇALDIVəkil Zibeydə Sadıqova 2024-cü ilin 4 ayı ərzində Azərbaycanda qətlə yetirilən qadınların adlı siyahısını paylaşıb.

Musavat.com xəbər verir ki, siyahıda 17 qadın var.

Vəkil özünün sosial şəbəkədəki hesabında bunları qeyd edib:

"Bu gün İstanbul Konvensiyasının imzalandığı gündür. Bu Konvensiyanı bəyənməyənlər üçün yanvar ayından bu günə kimi öldürülən qadınların siyahısı:

5 may 2024-cü il, Bakı şəhəri. Ayşən Məmmədova - 22 yaş - əri öldürüb.

2 may 2024-cü il. Ağcabədi rayonu. Nəzmiyyə Məhərrəmova - 33 yaş - qaynı öldürüb.

28 aprel 2024-cü il. Abşeron rayonu. Ağayeva Sevinc - 49 yaş - əri öldürüb.

19 aprel 2024-cü il. Tovuz rayonu. Türkanə Məmmədova - 34 yaş - sevgilisi benzin tökərək yandırıb və sonradan ölüb.

19 aprel 2024-cü il. Şəki. Çimnaz Mikayılova - 64 yaş - meyiti çayda aşkarlanıb.

9 aprel 2024-cü il. Göygöl rayonu. Könül Qədimova - 36 yaş - meyiti aşkarlanıb.

7 aprel 2024-cü il. Goranboy rayonu. Alidə Kazımova - 45 yaş - oğlu bıçaqlayaraq öldürüb.

5 aprel 2024-cü il. Bakı şəhəri. Aygül Quliyeva - 32 yaş - əri bıçaqlayaraq öldürüb.

26 mart 2024-cü il. Biləsuvar rayonu. Sevil Əlili - 25 yaş - əri öldürüb.

22 mart 2024-cü il. Xaçmaz rayonu. Səfurə Balacayeva - 66 yaş - qaynı oğlu öldürüb.

10 mart 2024-cü il. Mingəçevir şəhəri. Aytən Məmmədova - 37 yaş - keçmiş əri öldürüb.

2 mart 2024-cü il. Yevlax şəhəri. Laləzar Bəkirova - 37 yaş - əri öldürüb.

2 mart 2024-cü il. Qobustan. Günel Sadıqova - 42 yaş - əri öldürüb.

13 fevral 2024-cü il. Bakı şəhəri. Sevinc İbrahimova - keçmiş əri 6 bıçaq zərbəsi ilə küçədə öldürüb.

17 yanvar 2024-cü il. Bakı şəhəri. C.M. - 33 yaş - əri güllələyib.

11 yanvar 2024-cü il. Qaradağ rayonu. Pərvanə Zeynalova - 50 yaş - əri öldürüb".

Vəkilin bəhs etdiyi İstanbul Konvensiyası nədir?

Türkiyə 2011-ci ildə İstanbulda imzalanması üçün açıq elan olunan Konvensiyanı ratifikasiya edən ilk ölkə olub. Lakin 10 il sonra bu müqavilədən çıxıb. Bununla da Konvensiyanı imzalamış ölkələrin sayı 45-dən 44-ə, ratifikasiya edənlərin sayı isə 34-dən 33-ə düşüb.

Türkiyədə bu konvensiyaya qarşı çıxanlar onun ailə quruluşuna ziyan vurduğunu və bu sənədə baxmayaraq, qadınlara qarşı cinayətlərin getdikcə artdığını iddia edirdilər.

Konvensiyanın tərəfdarları isə bu sənədə əsaslanaraq qadınları qorumaq üçün daha çox iş görülməsinin vacibliyini və bu sazişdən çıxmağın qadın hüquqları uğrunda mübarizədə geriyə atılan addım olacağını söyləyirdilər.

Avropa Şurasının "Qadınlara qarşı zorakılıq və məişət zorakılığının qarşısının alınması, ona qarşı mübarizə haqqında" İstanbul Konvensiyası 2011-ci ildə Avropa Şurası Nazirlər Kabinetinin İstanbulda keçirilən toplantısında ölkələrin qoşulması üçün açıq elan olunub.

İstanbul Konvensiyası qadınları hər cür şiddət və ayrıseçkilikdən qorumağı, qadın və kişilər arasında bərabərliyi təşviq etməyi, bu məqsədlər üçün hərtərəfli proqram, siyasət və tədbirlər hazırlamağı, bu mövzuda beynəlxalq əməkdaşlığı genişləndirməyi hədəfləyir.

Konvensiyada qadına qarşı zorakılığın "qadınlarla kişilər arasındakı tarixi qeyri-bərabər güc münasibətlərinin bir təzahürü olduğu" qeyd olunur.

Konvensiyanın müddəalarının əməli şəkildə həyata keçirilməsini təmin etmək üçün Qadınlara qarşı zorakılıq və məişət şiddətinin qarşısının alınması üzrə ekspert qrupu, qısaca GREVIO kimi tanınan bir monitorinq və nəzarət komitəsi fəaliyyət göstərir.

2011-ci il mayın 11-də imzalanmaya İstanbulda açıq elan olunduğu üçün İstanbul Konvensiyası adı ilə tanınan Avropa Şurasının "Qadınlara qarşı zorakılıq və məişət zorakılığının qarşısının alınması və ona qarşı mübarizə haqqında" Konvensiyasını ilk imzalayan və təsdiqləyən ölkə Türkiyə olmuşdu.

Konvensiyada "qadınlara qarşı şiddət" tərifi "istər ictimai, istər şəxsi həyatda" meydana gələn hər cür fiziki, cinsi, psixoloji və ya iqtisadi şiddəti, şiddət təhdidini və diskriminasiya hallarını əhatə edir.

Konvensiyada "ailədaxili zorakılıq" məfhumu "indiki və ya əvvəlki ər-arvad və ya birlikdə yaşayan fərdlər arasında, qurbanla eyni yerdə yaşayıb-yaşamamaqdan asılı olmayaraq" bütün zorakılıq hallarını əhatə edir.

Bu müqavilə 18 yaşına çatmamış qızlara da şamil edilə bilər.


Sonxeber.az Telegramda izləyin instagramda izləyin
Hadisə   Baxılıb: 666   Tarix: 12 may 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Qaradağda iki yük avtomobili toqquşub: Xəsarət alan var

Bakı şəhərinin Qaradağ rayonunda yol-nəqliyyat hadisəsi baş verib. xəbər verir ki, bu barədə Fövqəladə Hallar Nazirliyi (FHN) məlumat yayıb. Bildirilib ki, məlumatla əlaqədar FHN-nin Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunublar. Əməliyyat şəraiti qiymətləndirilərkə

16 iyun
.

Məkkədə Həcc ziyarəti zamanı 6 zəvvar istidən ölüb

Məkkədə Həcc ziyarəti zamanı 6 zəvvar istidən ölüb. "Report"un məlumatına görə, bu barədə İordaniyanın Xarici İşlər Nazirliyi məlumat yayıb. Qeyd olunub ki, ölənlərin hamısı İordaniya vətəndaşıdır, hazırda nazirlik onların nəşilərinin vətənlərinə qaytarılması üçün Səudiyyə Ərəbistanının səlahiyyətl

16 iyun
.

İsmayıllıda kişi özünü elektrik naqili ilə asdı

İsmayıllı rayonunda intihar hadisəsi baş verib. -ın məlumatına görə, hadisə rayonun Kürdmaşı kəndində qeydə alınıb. Kənd sakini Sergey İvanoviç Smagin yaşadığı evdə elektrik naqili ilə özünü asıb. İntiharın səbəbləri məlum deyil. Faktla bağlı araşdırma aparılır

22 iyun
.

Bakıda azyaşlının öldüyü zəncirvari qəzanın - Görüntüləri

Sosial şəbəkədə Bakıda baş vermiş ağır yol qəzasının görüntüləri yayılıb. "Qafqazinfo"nun məlumatına görə, hadisə iyunun 16-da Sabunçu rayonu Maştağa qəsəbəsində qeydə alınıb. Belə ki, yüksək sürətlə hərəkət edən "BMW" markalı avtomobilin sürücüsü idarəetməni itirib və nəqliyyat vasitəs

18 iyun
.

Füzuli-Ağdam yolunda ağır qəza: Ölənlər var

Füzuli-Ağdam yolunda minik avtomobili traktorla toqquşub, ölənlər var.  xəbər verir ki, bu barədə Daxili İşlər Nazirliyinin (DİN) Mətbuat Xidmətindən məlumat verilib. Bildirilib ki, bu gün saat 18 radələrində Füzuli-Ağdam yolunda sürücü K.Mustafayev VAZ markalı avtomobillə hərəkətdə olarkən idarəetmən

19 iyun
.

Türkiyənin üç vilayətində meşə yanır, insanlar təxliyə olunub

Türkiyənin üç vilayətində meşə yanır. "Report" xəbər verir ki, bu barədə "TRT Haber" məlumat yayıb. Bildirilib ki, Çanaqqala və Uşakda dünən axşamdan başlayan yanğınlar davam edir. Həmçinin, İzmirin Dikili rayonunda gecədən başlayan yanğın küləyin təsiri ilə ətraf ərazilərə yayılıb

19 iyun
.

Şəmkirdə DƏHŞƏT: Tilov balıqçının ürəyini deşdi

Şəmkirdə balıqçı faciəvi şəkildə ölüb. -ın məlumatına görə, hadisə Kür qəsəbəsinin ərazisində yerləşən Yenikənd Su Elektrik Stansiyasında baş verib. Gəncə şəhər sakini 43 yaşlı Orxan Eldar oğlu Mamayev balıq ovlayan zaman ehtiyatsızlıqdan yıxılıb. Bu zaman bədbəxtlikdən onun əlində tilovun qarmaq hissəs

17 iyun
.

Xırdalanda partlayış səsləri eşidildi

Abşeron rayonu, Xırdalan şəhərində yerləşən "Tamstore" mağazasında yanğın olub. xəbər verir ki, bu barədə görüntülər sosial şəbəkələrdə paylaşılıb. Belə ki, ərazidə yaşayanlar yanğından əvvəl partlayış səslərini eşitdiklərini qeyd ediblər. Məsələ ilə bağlı Fövqəladə Hallar Nazirliyindən (FHN

20 iyun
.

Cəbrayılda mina partladı, xəsarət alan var

Bu gün işğaldan azad edilmiş Cəbrayıl rayonunun Horovlu kəndi ərazisində mina hadisəsi baş verib. "Qafqazinfo" xəbər verir ki, bu barədə Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) Mətbuat Xidməti məlumat yayıb. Məlumata görə, kənd təsərrüfatı sahəsində çalışa

20 iyun