Naxçıvanda bu bitki mütləq əllə YIĞILMALIDIR - VİDEO

Hər il yaz mövsümündə dağları və yamacları bəzəyən çaşır çoxillik ot bitkisidir. Bu bitki əsasən düzənlik və aşağı dağ qurşaqlarında, quru dərələrdə bitir. Çaşır Azərbaycanda Quba, Qusar və Naxçıvanda geniş yayılıb. İlin bu vaxtında Naxçıvanın ucqar kəndlərində insanlar bu bitkini toplamaq üçün dağlara üz tutur.

Sonxeber.az xəbər verir ki, mövzu ilə bağlı "Apa TV" maraqlı süjet hazırlayıb:

" Əsasən aprel-may aylarında çaşır yığılır. Çaşır əl ilə yığılmalıdır. Bıçaq ilə yığılanda onun kökü kəsilir. Lazım olan yerdən əl ilə dartanda qopur , yerində çıxır. Amma bıçaq ilə kəsəndə onun kökü kəsilir. Gələn ilə çıxan zaman demək olar ki, bu bitki gec yetişir. Vaxtından bir qədər sonra çıxır yaxud heç əmələ gəlmir. Bu baxımdan mütləq əl ilə yığılmalıdır".

Çaşır xalq təbabətində çox istifadə olunur. Xəstə insanlar əsasən çaşırı qaynadaraq suyundan istifadə edirlər. Bitki həm də mədə-bağırsaq xəstəliklərini qısa zamanda yox edir.

Ətraflı "Apa TV"nin süjetində:

Telegramda izləyin