60 yaşlı kişi müdirinin maşını sayəsində lotereyada 10 milyon uddu

Malayziyada Kuala-Lumpurdan olan bir işçi öz müdirinin avtomobilinin qeydiyyat nömrəsini nömrə kimi istifadə edərək lotereyada 10,6 milyon ringgit (3,622,390 AZN) qazanıb.

BAKU.WS xəbər verir ki, bu barədə "New Straits Times" məlumat yayıb.

Belə ki, 60 yaşlı kişi şirkətin iki rəhbərinin idarə etdiyi avtomobillərə həmişə heyran olduğunu deyib: "Bosslar işə getmək üçün gözəl Avropa avtomobilləri sürürlər. Biz həmişə paxıllıq etmişik və eynilərinin özümüzdə olmasını arzulamışıq".

Malay etiraf edib ki, o, uzun illərdir ki, lotereya oynayır və rəhbərlərinin maşın nömrələrindən - 9114 və 2230-dan istifadə edir. Bu taktika sonda ona uğur gətirib. Mayın 26-da keçirilən tirajda o, cekpotu vurub.

Kişi pulla nə edəcəyinə hələ qərar verməsə də, bununla sakit davranmaq niyyətində olduğunu qeyd edib. O, multimilyonçu olmaqdan xoşbəxtdir və indi "ailəsi ilə həyatdan həzz almağı" səbirsizliklə gözləyir.

Telegramda izləyin