Hotellər müştəriləri görün necə TƏLƏYƏ SALIR- VİDEO

"Dözülməz qoxu, otaqlarda isə dayanmaq mümkün deyil. Pəncərələr yoxdu, otaq həşəratlar ilə doludur. Su yoxdu, sınıq mebel və stəkanlar çirkli idi".

Söhbət 2, 3 və hətta 4 ulduzlu otellərdən gedir. Təqdim edilən rəylər isə ümumi narazılıqların bir hissəsidir. Bir gecəsi minimum 150 manat olan "Avropa standartları"na uyğun olan otellər müştərilərin kəskin tənqidinə məruz qalır. Haqsız deyillər. İnsanlar verdikləri pulun müqabilində keyfiyyətli xidmət gözləyir. Bəzən isə vəd edilən keyfiyyətli xidmətlər ilə təmin olunmurlar. Ən əsas məqam isə otellərin iddia etdiyi ulduz saylarının real olmaması ilə bağlıdır. Hər bir səyahətçi ilk növbədə otellərin əldə etdiyi ulduzların sayına baxır.

Sonxeber.az xəbər verir ki, mövzu ilə bağlı "Aztv Xəbər" maraqlı araşdırma aparıb:

"Nə vaxtsa , zamanında 5 ulduz kateqoriyasına layiq görülmüş otel bu gün həmin servisi verə bilmədiyinə görə növbəti ulduz təsnifatında aşağı kateqoriyaya layiq görülür. Amma öz səhifəsində və müxtəlif satış portallarında 5 ulduz kimi qeydiyyatda qalır. Müştəri onlara 5 ulduz adı ilə müraciət edir. Lakin müştəri otelə getdikdən sonra 4 ulduzlu xidmət ilə rastlaşır".

Ətraflı "Aztv Xəbər "in süjetində:

Telegramda izləyin