Gəncədə 3 əsr yaşı olan BƏY EVLƏRİ: Görün necə TİKİLİRDİ - VİDEO

Gəncədəki bu evlər 18-19-cu əsrlərdə inşa edilib. Onları dövrün imkanlı adamları və bəyləri, tacirləri, məmurları, eləcə də ziyalıları tikdiriblər. Bölgənin mühüm ticarət, siyasət və mədəniyyət mərkəzinə çevrildikcə Gəncədə varlı adamların və onlara məxsus mülklərin sayı artır. Həmin evlərə indi də şəhərin qədim hissələrində , hər küçəsində rast gəlmək olar.

Sonxeber.az xəbər verir ki, qədim bəy evləri ilə bağlı "Aztv Xəbər" maraqlı süjet hazırlayıb:

"Gəncədə bəy evlərinin sayı 25-30 arasıdır. Ali təbəqəyə mənsub evlərin sayı isə 200-ə yaxınlaşır ".

Bəy evləri adlanan bu mülklər demək olar ki, eyni tikinti materiallarından -əsasən kərpicdən inşa olunub. Arxitekturası baxımından onlar bir-birinə oxşayır. Bunun səbəbi həmin dövrdə imkanlı adamların öz evlerini ancaq seçilmiş sənətkarlara tikdirmələri ilə izah olunur:

"Evlər yarı bişmiş, sıxma və bişmiş kərpiclər ilə tikilirdi. Yarı bişmiş sıxma kərpiclər əsasən dekorativ məqsədlər ilə istifadə olunurdu. Amma sıxma kərpiclər sırf tikinti və inşaat üçün idi. Çünki möhkəm idi və əldən düşəndə sınmırdı. Onların dözümlülüyü artıq olurdu. Divarı bir neçə qat hörürdülər ki, yağışın və qarın təsirinə məruz qalanda möhkəm ola bilsin".

Ətraflı "Aztv Xəbər"in süjetində:

Telegramda izləyin