Qadın cinayətləri niyə artır ?

Dünyada hər gün partnyoru və ya ailə üzvü tərəfindən 137 qadın öldürülür. Çox təəssüf ki, son günlər ölkəmizdə də qadın cinayətlərinin sayı artıb.

Bəs buna səbəb nədir ?

Mövzu ilə bağlı Sonxeber.az – a açıqlama verən psixoloq Fərqanə Mehmanqızı bildirib ki,son dövrlər qadın cinayətləri artıb və bunda medianın da rolu böyükdür.

Qadın cinayətləri artıb və bunda medianın da rolu böyükdür. Nə qədər ki, biz qadın cinayətlərini işıqlandıracağıq bu hadisələr artacaq. Çünki insan bir şeyi dəfələrlə eşidəndə bu hal artıq onun üçün adiləşir. Artıq cəmiyyət bu cür hadisələri adi bir hal kimi qəbul edir. Bu gün ailə dəyərlərinin aşağı düşməsindən kütləvi və fərdi şəkildə əziyyət çəkirik. Bir də bunun üstündən sosial şəbəkələrdə belə məlumatların, xəbərlərin açıq şəkildə yayılması artıq hadisəni adiləşməyə gətirib çıxarır. Ona görə də çalışmaq lazımdır ki, bu kimi xəbərlər işıqlandırılmasın. Bu gün daha çox maarifləndirici yazılara ehtiyac var. Bu maarifləndirici yazılarda ailə dəyərləri önə çıxarılmalıdır. Bizlər nə qədər media nümayəndələrinə bu barədə xəbərdarlıq etsək də, cəmiyyəti bu bəladan xilas edə bilmirik. Ona görə də qadın cinayətlərinin sayı günbəgün artır. Təəssüf ki, bu gün sosial media insanların həyatını, düşüncəsini, zehnni idarə edir. Nə qədər ki, sosial mediada belə cinayətlər açıq şəkildə paylaşılacaq, o qədər adiləşib artacaq.

Hər gün azı iki jurnalist zəng edir. Məsələn "Uşaq rayonda evdən qaçdı, gəldi Bakıya. Buna münasibətiniz nədir ? Uşaq evdən niyə qaça bilər ?" Deyirəm mən bu haqda müsahibə vermirəm. Heç bu haqda yazmaq da düzgün deyil. Sabah xəbəri oxuyan başqa bir uşaq deyəcək filankəs qaçdı,valideyinlərini pislədilər. Qoy mən də qaçım valideyinlərimi pisləsinlər. Bu, gənclərə, azyaşlılara pis örnək olmaqdan başqa birşey deyil.

Bu fikirlərimi jurnalistlər yazmırlar. Çünki sərf etmir. Jurnalistlər üçün ölüm, cinayət xəbərlərini yazmaq adi hal alıb. Söz böyük qüvvədir. Nə qədər ölüm, intihar paylaşılsa, bu, o qədər də artacaq.

Çiçək

Telegramda izləyin