İngiltərə xəstəxanalarında kişilərə qəribə sual verilir

Böyük Britaniyada rentgenoloqlar üçün yeni tövsiyələr dərc olunub.

Oxu.Az "The Telegraph"a istinadən xəbər verir ki, indi həkimlər rentgen müayinəsindən əvvəl cinsindən asılı olmayaraq bütün xəstələrdən, o cümlədən də kişilərdən hamilə olub-olmadıqlarını soruşmalıdırlar.

Qərar inklüzivlik və xəstələrin təhlükəsizliyinə dair öhdəliklərin bir hissəsi kimi qəbul edilib, lakin artıq bir çox sual və narazılıq doğurub.

Yeni qaydaların tətbiqinə hamiləliyindən xəbəri olmayan və KT müayinəsindən keçən transgender kişinin işi səbəb olub. Müayinə zamanı onun hamiləliyi üzə çıxıb.

Qeyd edək ki, rentgen şüaları doğulmamış uşaqlar üçün radiasiyaya məruz qalma baxımından zərərlidir.

Telegramda izləyin