19 il əvvəl arvadını öldürən cinayətkar həbs edildi

Almaniyada həyat yoldaşını öldürdüyü üçün qırmızı bülletenlə axtarışa verilən şübhəli Antalyada tutulub.

Valilikdən verilən açıqlamaya görə, İl Polis İdarəsi 2005-ci ildə Almaniya vətəndaşı Angelika Cristina Aydının qətlə yetirilməsi və əri Nasif Aydının İnterpol tərəfindən qırmızı bülletenlə axtarışa verilməsi ilə bağlı "Dəhşətli şəkildə qəsdən adam öldürmə" cinayəti üzrə istintaq başladıb.

Sonxeber.az türk mediasına istinadən xəbər verir ki, Konyaaltı rayonunda yerləşən oteldə A.G. Adına verilən vəsiqə ilə qaldığı məlum olan Aydın əməliyyat zamanı yaxalanıb.

Ədliyyəyə sövq edilən şübhəli həbsxanaya göndərilib.

Şübhəli ifadəsində Anjelika Kristina Aydınla Türkiyədə tanış olduqdan sonra Almaniyaya getdiklərini, evləndiklərini və bir müddət evli olduqlarını bildirib.

Aralarında yaranan mübahisə nəticəsində həyat yoldaşını Almaniyada öldürdükdən sonra qeyri-qanuni yollarla Türkiyəyə qayıtdığını etiraf edən Aydın 2013-cü ildə tanışı A.G.-nin şəxsiyyətini təsdiq edən sənədini yeniləyib və istifadə etməyə başlayıb.

Faktla bağlı araşdırmalar davam edir.

Telegramda izləyin