Praktikant həkim zorlanaraq öldürüldü

Təcrübəçi həkimi zorlayıb öldürdülər, həkimlər əməliyyatları dayandırıb tətilə başladılar!

Hindistanın Yeni Dehli, Mumbay, Kolkata və bəzi digər şəhərlərində həkimlər tətilə çıxıb və praktikant həkimin zorlanıb, öldürülməsinə etiraz olaraq "təcili olmayan cərrahi əməliyyatları" qeyri-müəyyən müddətə dayandırmaq qərarına gəliblər.

Sonxeber.az xarici mediaya istinadən xəbər verir ki, Hindistanda həkimlər avqustun 9-da Kəlkütdə xəstəxanada 32 yaşlı praktikant həkimin cansız cəsədinin tapılmasından sonra tətilə başlayıblar.

"Təcili olmayan cərrahi əməliyyatları" qeyri-müəyyən müddətə dayandırmağa qərar verən və tətilə çıxan həkimlər səhiyyə işçilərinin təhlükəsizliyinin təmin olunmasını tələb ediblər.

Polis hadisə ilə bağlı Sanjoy Roy adlı şübhəlinin saxlanıldığını və həmin şəxsin praktikant həkimin işlədiyi və cansız bədəninin tapıldığı xəstəxanaya tez-tez gələn şəxs olduğunu açıqlayıb.

Həkimlər istintaq yekunlaşana qədər etirazlarını davam etdirəcəklərini bildiriblər.

Telegramda izləyin