Kirayəçi çıxarıldığı evi yandırdı

Muğlanın Fethiye rayonunda məhkəmə qərarı ilə evindən çıxarılan kirayəçinin boşaltdığı mənzilin çardağını yandırdığı iddia edilib. Yanğınsöndürənlər yanğını digər mərtəbələrə keçmədən söndürüb. Hadisə ilə bağlı araşdırma başladılıb.

Sonxeber.az türk mediasına istinadən xəbər verir ki, Fethiye Taşyaka rayonu Şehit Ali Büyükiskilip küçəsində yerləşən mənzil məhkəmə qərarı ilə polis nəzarəti altında boşaldılıb. Ev boşaldılan zaman kirayəçinin "mən bu evi yandırıb gedəcəm" dediyi iddia olunur. Bir müddət sonra boşaldılan mənzilin yerləşdiyi çardaqdan tüstü qalxmağa başlayıb.

Hadisə yerində olan polislər vəziyyəti görəndən sonra vəziyyətlə bağlı 112 Təcili Zəng Mərkəzinə məlumat verilib. Xəbərdarlıq üzərinə hadisə yerinə sövq edilən yanğınsöndürmə briqadaları çardaqdakı yanğını digər mərtəbələrə keçməzdən əvvəl nəzarətə götürüb. Ev sahibi alova bürünmüş mənzilinin qarşısına gələndə şoka düşüb.

Polis yanğını törətdiyi iddia edilən kirayəçinin tapılması üçün işləri davam etdirir. Hadisə ilə bağlı ətraflı araşdırma başladılıb.

Telegramda izləyin