Tarladan körpə tapdılar

Osmaniyenin Düziçi rayonunda qarğıdalı tarlasında oğlan uşağı tapılıb. Körpə dövlət nəzarətinə alınıb. Anası olduğu təsbit edilən 15 yaşlı qız cinsi istismara məruz qaldığını bildirib.

Sonxeber.az türk mediasına istinadən xəbər verir ki, qan donduran hadisə avqustun 6-da rayonun İrfanlı qəsəbəsində baş verib.

Tarlada uşaq ağlaması eşidənlər polis və təcili tibbi yardıma məlumat veriblər. Əraziyə gələn əməkdaşlar tarladan körpə tapıblar. Sağlam olduğu müəyyən edilən körpə dövlət nəzarətinə götürülüb.

Hadisə ilə bağlı araşdırma başladan polis, körpənin anasının 15 yaşlı A.Ç olduğunu müəyyən edib.

Saxlanılan A.Ç körpəsinin atasının ona cinsi təcavüz edən 16 yaşlı İ.B.C lduğunu bildirib. O, oğlunu qorxduğu üçün çöldə qoyub getdiyini deyib.

Polislər İ.B.C və dostu M.Y-nın hadisədə əli olduğu müəyyən edib.

İ.B.C və dostu M.Y məhkəmənin qərarı ilə şərti azadlığa buraxılıblar.

Lakin prokurorluğun etirazından sonra yenidən saxlanılan İ.B.C həbs edilib.

Telegramda izləyin