Həyətdəki gənclərin səsindən narahat olan bina sakini balkondan atəş açdı

Esenlerdə 67 yaşlı Cevat Erdoğdu küçədə yüksək səslə danışan bir qrup gənclə mübahisə edib.

Hadisə çərşənbə günü axşam saatlarında Turqut Rəis rayonunda baş verib. İddiaya görə, 67 yaşlı Cevat Erdoğdu ilə evinin qarşısında yüksək səslə söyüş söyən gənclər arasında mübahisə düşüb.

Sonxeber.az türk mediasına istinadən xəbər verir ki, mübahisə böyüdükcə gənclər onlara xəbərdarlıq edən Erdoğdunun evinə daş atmağa başlayıb. Bu səbəblə əsəbiləşən Erdoğdu evinin pəncərəsindən tapança ilə gənclərə atəş açıb. Hücum edənlər silahı görən kimi hadisə yerindən qaçıblar. Cevat Erdoğdunun silahla atəş açdığı anlar mobil telefon kamerası ilə lentə alınıb.

Ətrafdakı vətəndaşların məlumatı üzərinə hadisə yerinə polis sövq edilib. Araşdırma aparan polislər, Erdoğdunun silahını ələ keçirib.

Cevat Erdoğdu ifadəsində "Dünən gecə həyat yoldaşımla balkonda çay içirdik. O vaxt aşağıdakı gənclər söyüş söydülər, bizi yox, bir-birlərini söyürdülər. Mən onlara bizi narahat etdiklərini bildirdim. Onlarsa balkonumuza daş atdılar. Əsəbiləşdim və onları qorxutmaq üçün havaya dörd dəfə atəş açdım", - deyə bildirib.

Telegramda izləyin