Göyçaylı mülkədarın qızı üçün tikdirdiyi TARİXİ HAMAM - VİDEO

Göyçayda tarixi hamam baxımsız vəziyyətdədir. Bir vaxtlar şəhərin əsas hamamlarından olan bu tikili hələ ötən əsrin 30-40-cı illərində həbsxana kimi fəaliyyət göstərib. 1 əsrdən çox yaşı olan bu hamam niyə təmir olunmur?

Sonxeber.az xəbər verir ki, məsələ bağlı İTV-nin əməkdaşları suallara cavab axtarıb.

Vaxtilə Göyçayda mülkədar Həzrət bəy Ağazadə bu hamamı qızı üçün cehiz olaraq tikdirib. 1901-ci ildə əhalinin istifadəsinə verilən hamam yerin altında, torpaq səthindən 2 metr dərinlikdə yerləşir. Şəhərin əsas hamamlarından biri kimi uzun illər insanların istifadəsində olub:

"Mən bu hamamdan 1982-ci ildən 1990-cı ilə qədər istifadə etmişəm. O dövrdə hamamda çimmək 20 qəpik idi. Ancaq nömrələr isə 80 qəpik idi. 5 nəfər gələndə 1 manat verirdilər. Hamamın arxasında onun ocaqxanası olub. Hamamın altında isə bişmiş kərpicdən hörülmüş labirintlər var. O labirintlərdən isti hava daxil olur və insanların ayağı qış aylarında isti olurdu. Arxasında isə özünün su anbarı olub və ona xəzinə deyiblər".

Tikilinin oval şəkilli üç böyük salonu var. Onlardan ikisi qadınlar, biri isə kişilər üçün nəzərdə tutulub. Üslub baxımından diqqətçəkən yeraltı hamam sonradan müxtəlif məqsədlər üçün istifadə edilib.

Ətraflı İTV-nin süjetində:

Telegramda izləyin