89 yaşlı nənə Alp dağlarında YOXA ÇIXDI: Yağış suyu içdı, tülkü ilə DOST OLDU

89 yaşlı Cuzepina Bardelii Alp dağlarında 5 gün boyunca itkin düşüb.

Sonxeber.az xəbər verir ki, bu barədə "The Mirror" nəşri məlumat yayıb. İtaliyanın Alp dağlarında yağış suyu içərək, dua edən maraqlı tülkü ilə dostluq qurmaqla sağ qalan nənə xilas edilib.

Qadın oğlu ilə birlikdə göbələk yığan zaman yoxa çıxıb. O, əvvəlcə başgicəllənmə səbəbindən huşunu itirib və qabırğasını sındıraraq dərəyə düşüb. Anasını tapa bilməyən oğlu xilasedicilərə xəbər verib. Lakin detallı axtarışlara baxmayaraq, qadın tapılmayıb.

50 nəfərlik axtarış qrupunun rəhbəri bildirib ki, İsveçrə sərhədində qadını tapmaq çətin olub. Nəticə ala bilmədikləri ümün axtarışı dayandırmaq qərarına gəliblər:

" Bazar günü səhər saatlarında axtarışı dayandırmaq istəyən zaman bir möcüzə baş verdi. 89 yaşlı qadın bitki örtüyü olan dərədə gizlənmişdi. O bizi, biz də onu görə bilmədik. Əməkdaşlarımız əraziyə çatanda qadın yorğun olsa da, şüuru yerində idi. Bu yaşda bir insanın hələ də sağ qalması möcüzədir".

Qadının oğlu anasının necə həyat qaldığına dair yerli mətbuata açıqlama verib:

"Anam gölməçədən yağış suyu içib və bitki örtüklərindən istifadə edib. Bir neçə dəfə tülkü öna yaxınlaşıb. Hətta yaxşı dost olublar. Xilasedicilər dedilər ki, anam sağdır. Sevincimizin hədd-hüdudu yox idi".

Qadının xəstəxanada müalicəsi davam etdirilir.

Telegramda izləyin