Arvadlarını döyən ərlər şizofreniyadan əziyyət çəkir? - VİDEO

"Ayın 17-dən sığınacaqdayam. Ailədaxili münaqişələrə görə zorakılığa məruz qaldım. Hüquq-mühafizə orqanlarına müraciət etdim. Qurumun əməkdaşları çox həssas yanaşdılar və məni buraya yerləşdirdilər. Bu hal ilə üzləşən qadınlara məsləhətim odur ki, vaxtında müraciət etsinlər. Şans verdikcə elə bilirlər ki, belə də olmalıdır. Daha sonra bu alışqanlıq yaradır".

Bu qadınlar zorakılığa məruz qalıb. "Təmiz Dünya" Qadınlara Yardım İctimai Birliyinə sığınıblar. Sonxeber.az xəbər verir ki, Apa TV-nin əməkdaşları zorakılığa məruz qalan qadınlar isə söhbət aparıb. Onlar üzləşdikləri zorakılığın daha qanlı və dəhşətli hadisələr ilə bitəcəyini qorxduqları üçün bu addımı atıblar. Birliyin sədri Mehriban Zeynalova bildirib ki, bəzi qadınlar vaxtında müraciət etmirlər. Yüngül cəza tədbiri isə cərimə ilə çərçivələnir. Kritik hallarda icra hakimiyyətləri mühafizə orderi verir və qadın həyat yoldaşından uzaqlaşdırılır. Evindəki təhdiddən zamanında qaçmayan qadınlar isə öz həyatları üçün ölüm riskini artırır:

"Əksər proseslərə müdaxilə polisdən tələb olunur. Halbuki burada icra hakimiyyətinin, sosial işin gücləndirilməsi kompleks tədbirləri özündə birləşdirir. Təhlükəsizlik baxımından şəxsin özü də bu məsələlərdə iştirakçı olmalıdır. Təhlükələri aradan qaldırmaq üçün vaxtında müraciət edilməlidir".

Belə faciələrin qurbanı olmamaq üçün qadınlar evdən çıxmalıdır. Bəzi qadınlar ata evi olmadığı və kirayə qala bilmədiyi üçün ər zorakılığına səbr etməli olurlar ki, çöldə qalmasınlar.

Ətraflı "Apa TV"nin süjetində:

Telegramda izləyin