Əyləncə yoxsa SƏNƏT: "Heykəl adam" hər kəsi özünə VALEH EDİR - VİDEO

Pərviz Fəxrəddin - daha çox "heykəl adam" və ya "mister volker" kimi tanınan şəxsdir. Onun bu isə həvəsi Türkiyədə olarkən başlayıb.

Sonxeber.az xəbər verir ki, insanları canlı heykəl kimi təəccübləndirən, mimikaları və ani jestləri ilə ətrafdakılara təbəssüm və təəccüb bəxş edən Pərviz Fəxrəddin "İTV Xəbər"ə danışıb:

"Təxminən 2021-ci il idi. Mən Türkiyəyə film çəkilişi üçün getmişdim. Orada bir neçə müddət teatrda çalışmağa başladım. Türkiyədə bu peşə var idi. Fikirləşdim ki, küçə sənəti biz də ola bilər. Azərbaycana qayıtdıqdan sonra müəyyən qurumlara müraciət etdim. Sağolsunlar ki, dəstək oldular. Heykəl sənətini küçəyə daşımağa nail olduq".

Bəzən daş heykəllərdən belə fərqlənməyən Pərviz səssiz performansı ilə hər kəsi valeh etməyi bacarır:

"İlk dəfə fasiləsiz 4-5 saat fərqli pozalarda dayanmışam. İlk başlarda yay aylarda çox çətin idi. Amma öhdəsindən gəlməyi bacardım. Bura küçədir və hər mədəniyyətdə insan var. Bəyənməyib keçənlər də var. Amma boyu maraqla qarşılanmışdı. Düşünürəm ki, həmin auditoriya hələ də qalmaqdadır. Nə vaxt çıxış etsəm daimi izləyicilərim var".

Ətraflı videomaterialı təqdim edirik:

Telegramda izləyin