Əkizlərin fotoları YAYILDI: Onlardan biri niyə daha GƏNC GÖRÜNÜR? - FOTO

Əkiz deyəndə bir-birlərinə çox bənzəyən bacı-qardaşlar nəzərdə tutulur. Lakin insan genetikası o qədər sirli və qəribədir ki, həmin əkizlər fərqli görünə bilir. Tək yumurta əkizləri olan Janna və Suzanının fotoları sosial şəbəkələrdə yayılıb. İnsanlar onların bacı yaxud qohum olduğuna inana bilmir.

Sonxeber.az xəbər verir ki, bu barədə "Daily Star" nəşri yazıb. Alimlər bacıların həyat tərzi və onların orqanizminin inkişafı barədə araşdırmalara başlayıb. Nəticələr isə çox maraqlıdır. 61 yaşlı əkizlər bir-birindən fərqli həyat yaşayıblar.

Janna özünü günəş şüalarından qoruyur və dəriyə qulluq vasitələrindən istifadə edir. Yaşına baxmayaraq, dəri rəngi və qırışları çox hiss olunmur. Yəni dərisinə qulluq etdiyi üçün yaxşı vəziyyətdə olub. Bacısının əksinə Suzan fərqli həyat yaşayıb. Davamlı olaraq siqaret çəkən və daim günəşin altında vaxt keçirən qadını görənlər tanıya bilmir. Qadın hazırda öz bacısından 11 yaş böyük görünür.

Plastik cərrah Baxman Qayronun sözlərinə görə, ultrabənövşəyi işığa həddindən artıq məruz qalma Suzanın dərisinin ləkələnməsinə, elastikliyini itirməsinə və qırışların yaranmasına səbəb olub. Bacıların fotoları "Reddit"də yayıldıqdan sonra sosial şəbəkə istifadəçiləri həyat tərzi seçimlərinin eyni yaşda və "eyni" genetikalı insanların fərqli görünməsinə necə səbəb olduğu barədə fikirlərini bölüşüblər.

Telegramda izləyin