119 yaşlı binanın tavanı ÇÖKDÜ - Sakinlərin aqibəti NECƏ OLACAQ? - VİDEO

70-dən çox insan hər gün təhlükə ilə üz-üzədir. 1905-ci ildə tikilən binada sonuncu təhlükəli hadisə yaşanıb. Mənzillərdən birinin tavanı çöküb. Hadisədən sonra bütün əşyalar çöküntünün altında qalıb. Sözügedən hadisə Səbail rayonu, Dağlıq 24 küçəsində baş verib. Ev sahibi dağıntıdan bir neçə dəqiqə əvvəl tavanı çökən otaqda olub.

Sonxeber.az xəbər verir ki, məsələ ilə bağlı sakinlər ARB-yə müraciət edib:

"Qapıdan ayağımı qoyan kimi bir səs gəldi. Özüm-özümə şoka düşdüm. Baş verən hadisəyə görə qonşuların hamısı yığıldı".

Sadəcə olaraq tavan hissəsi çökən mənzil qəzalı vəziyyətdə deyil. Bina daxilindəki bütün mənzillər qəzalı vəziyyətdədir. Binanın daxilində böyük bir çat əmələ gəlib. Eyni zamanda bəzi sakinlər mənzilləri qəzalı vəziyyətdə olduğu üçün evlərini tərk ediblər. Mənzillərini tərk etməyənlər isə hər gün qorxu içində yaşayırlar.

"Qonşudan sonra olan evin divarı mənimdir. Hazırda bu təhlükə məni gözləyir. 27 il ərzində günə-gün yaşamışıq. Gələn deyir ki, ayın yaxud ilin axırına bu evlər təmir olunacaq. Bu günə qədər heç birindən bir xəbər yoxdur".

Ətraflı "ARB Xəbər"in süjetində:

Telegramda izləyin