Avtosalonu atəşə tutan şəxslər saxlanıldı

Avqustun 28-də Antalyada avtomobil salonuna silahlı basqın edən motosikletli iki şəxs həbs edilib.

Sonxeber.az türk mediasına istinadən xəbər verir ki, hadisə Turqut Rəis küçəsində baş verib. Dövlət nömrə nişanı olmayan motosikletdə olan iki nəfər avtosalona 4-5 dəfə atəş açıb. Güllələr iş yerinin şüşələrinə və avtomobillərə dəyib. Hücum zamanı xəsarət alan olmayıb.

Silahlılar avtosalonu atəşə tutduqdan sonra sürətlə ərazidən uzaqlaşıblar.

Polis hücumu həyata keçirən 2 şübhəlini və onlarla birlikdə hərəkət edən 2 nəfəri saxlayıb. Şübhəlilərin evlərində aparılan axtarış zamanı çoxlu sayda patron, silah, dəbilqə, əlcək və papaq və hadisədə istifadə edilən motosiklet ələ keçirilib.

Polis bölməsindəki ifadələrindən sonra ədliyyəyə sövq edilən 4 şübhəli həbs olunub.

Telegramda izləyin