16 yaşlı qız sosial şəbəkədə tanış olduğu şəxs tərəfindən zorlandı

16 yaşlı qız sosial şəbəkədə tanış olduğu şəxs tərəfindən təcavüzə uğrayıb.

Sonxeber.az türk mediasına istinadən xəbər verir ki, E.T sosial şəbəkədə tanış olduğu Firuz Naobinin (20) Bursadakı evinə gedib.

Gecə yatmaq üçün girdiyi otaqda Firuz Naobi və üç dostu onun əl-ayağını bağlayaraq səhərə qədər təcavüz edib. Səhər dostlar E.T -ni məhəllədə tanıyan olmasın deyə ona kişi paltarı geyindirib və 200 lirə verərək evinə göndəriblər.

E.T polisə ifadəsində: "Firuzla sosial şəbəkədə tanış olduq və görüşmək qərarına gəldik. Görüşüb gəzdik, birlikdə yemək yedik. Sonra məni evinə dəvət etdi. Ona görə də getdim. Evdə 3 dostu vardı, mənə deməmişdi. Özümü pis hiss etdiyim üçün getmək istədim amma məni sakitləşdirib heç bir problem olmadığını dedi. Gecə onlarda qalmağı təklif elədi. Gec olduğu üçün razılaşdım. Otağa girəndə əl-qolumu bağlayıb mənə təcavüz etdilər. Səhər əynimə zorla kişi paltarı geyindirib, pul verdilər. Sonra isə məni göndərdilər",- deyə bildirib.

E.T-nin şikayəti əsasında tutulan 4 müttəhimin mühakimə olunduğu məhkəmədə rəy verən prokuror "uşağa qarşı cinsi zorakılıq" cinayətlərinə görə onların hər birinə 20 ilə qədər həbs cəzası istəyib.

Hadisə ilə bağlı istintaq davam edir.

Telegramda izləyin