"Belə olmasaydı, Şahramanyan helikopterlə Ermənistana gəlmək əvəzinə, indi Bakı həbsxanasında oturardı..."

"Əgər o, buradadırsa, deməli, onun xüsusi missiyası var və öz imkanları, gücü daxilində həmin missiyanı yerinə yetirməyə çalışır...."

İrəvanda təxminən bir il öncə Azərbaycan ordusunun cəmi 23 saatlıq əməliyyatı sayəsində Qarabağda ləğv edilmiş separatçı-terrorlu rejimin Kreml tərəfindən dəstəklənən tör-töküntüləri ilə Paşinyan hakimiyyətinin qarşıdurması davam edir.

Politoloq Davit Stepanyan "Hüquqi nöqteyi-nəzərdən Dağlıq Qarabağ subyekti mövcud deyil" deyən Ermənistan Milli Assambleyasının sədri Alen Simonyanın "Dağlıq Qarabağ" rəsmilərinin artıq mövcud olmadığı və "artsax"ın Ermənistanda nümayəndəlik binasının mənasına yenidən baxılması ilə bağlı dünən - sentyabrın 9-da səsləndirdiyi fikirlərlə razılaşır .

"Dağlıq Qarabağın nümayəndələri özləri də artsaxı dağıtmaq yolu ilə gediblər, ona görə də deputat da ola bilməzlər. Hesab edirəm ki, istifadə etdikləri şüarlar reallığa uyğun gəlmir. Onlar özlərini təqdim etsələr də, heç nə dəyişmir".

Moderator.az xəbər verir ki, David Stepanyan bu fikirləri " Haykakan Jamanak " a müsahibəsində ifadə edib .

Stepanyanın fikrincə, Ermənistanda qondarma rejim rəsmilərinin olması yalnız Rusiyaya sərfəlidir.

"Əlbəttə, Rusiya istəməz ki, Dağlıq Qarabağ rəsmiləri artıq ölkəmizdə olmasın, onları təmsil edən bina olmasın. Əgər belə olmasaydı, Samvel Şahramanyan Ermənistana helikopterlə gəlmək əvəzinə, indi Bakı həbsxanasında oturardı. Əgər o, buradadırsa, deməli, onun xüsusi missiyası var və öz imkanları, gücü daxilində həmin missiyanı yerinə yetirməyə çalışır",- deyən Stepanyandan bu missiyanın nə olduğunu soruşduqda belə deyir: "Ermənistanda vəziyyəti daxildən gərginləşdirmək, ölkədə problemlər yaratmaq. Hələ ki, bunlar həyata keçməyib, amma imkanları olsaydı, şübhəsiz ki, o addımı atardılar. Bu adamlar Ermənistanda "5-ci kalon"un bir hissəsidir".

Sonuncuların daim Ermənistan hakimiyyətinə qarşı ittihamlar səsləndirməsinə və separatçı-terrorçu rejimin ləğvinə görə məsuliyyəti Ermənistanın üzərinə qoymağa çalışmasına gəlincə, Stepanyan bunu da Rusiya faktoru ilə əlaqələndirir. "Dağlıq Qarabağın bu elitası uzun müddətdir ki, Rusiyanın maraqlarını qoruyur, hətta öz xalqının maraqlarını belə üstün tutmur. Artsaxın ləğv edilməsinin səbəblərindən biri də budur".

Qondarma rejimin keçmiş məmurlarının yaratdığı problemlərdən qaçmaq üçün Ermənistan hökuməti respublikanın suverenliyini qorumağa imkan verəcək addımlar atmalıdır. Belə deyən Stepanyan bunları əlavə edir: "Qərb və Avropa İttifaqı ilə münasibətlərin gücləndirilməsi, İran və Fransa ilə daha sıx münasibətlərin formalaşdırılması, eləcə də Ermənistanın hansı yolla getmək istədiyinin müəyyənləşdirilməsi"...

Telegramda izləyin

instagramda izləyin