Lüks avtomobil şarj edərkən bomba kimi partladı - VİDEO

İngiltərənin Northamptonshire şəhərində yaşayan bir ailənin 50 min funt-sterlinq dəyərində elektriklə işləyən lüks avtomobili evlərinin qarşısında şarj edərkən partlayıb.

Sonxeber.az xarici mediaya istinadən xəbər verir ki, qorxunc anlar evin təhlükəsizlik kameralarına saniyə-saniyə əks olunub.

Skott və Georgina Bayliss cütlüyünə məxsus dəbdəbəli EQA model avtomobil evin qapısının düz qarşısında alovlanıb və partlayıb. Yanğın qısa zamanda qaraja keçib və evin ön yataq otağını tüstü basıb.

Təhlükəsizlik kamerası görüntülərində avtomobildən əvvəlcə tüstünün qalxdığı, daha sonra isə şiddətli partlayışla alovlandığı görünür. 47 yaşlı Scott Bayliss, "Televiziyaya baxarkən qəfil bir partlayış eşitdik. Oğlum bunun atəşfəşanlıq olduğunu düşündü, ancaq bomba kimi səsləndi. Yanğın bütün avtomobili və evin ön hissəsini inanılmaz bir şəkildə bürüyüb" - dedi.

49 yaşlı Georgina Bayliss deyib: "Alovu görəndə balaları götürüb arxa qapıdan qaçdıq. Sağ-salamat xilas olduğumuz üçün bəxtimiz gətirdi".

Avtomobil şirkətinin sözçüsü hadisə ilə bağlı araşdırma apardıqlarını və ailəyə müvəqqəti avtomobil ayırdıqlarını açıqlayıb. Skott "Bir daha "Mersedes" sürmək istəmirəm. Elektrikli avtomobillər alovlananda çox təhlükəlidir" - deyib.

Vüsalə İbrahimli

Telegramda izləyin