Ərəbistanda 4000 illik antik kənd aşkar edildi

Səudiyyə Ərəbistanının Hayber Oasisində aparılan arxeoloji qazıntılar zamanı tunc dövrünə aid 4000 illik şəhər aşkar edilib.

Sonxeber.az xarici mediaya istinadən xəbər verir ki, təxminən 500 nəfərin yaşadığı düşünülən qədim şəhər köçəri icmaların oturaq həyata keçirdiyini ortaya qoyur.

Fransız arxeoloqu Guillaume Charloux-nun rəhbərlik etdiyi qrup şəhərin əsasının eramızdan əvvəl 2400-cü ildə qoyulduğunu müəyyən edib. 14,5 kilometr uzunluğunda divarlarla əhatə olunmuş şəhərin inzibati mərkəzi, planlaşdırılmış küçələri, bağları və qəbiristanlıq ərazisi var.

Qazıntılar zamanı xəncər, balta və üzüklər kimi qiymətli əşyalar tapılıb. Arxeoloqlar çoxlu saxsı qab qırıqları da tapdılar.

Eramızdan əvvəl 1300-cü illərdə şəhərin niyə tərk edildiyi hələ məlum deyil. Bölgədə qazıntılar davam edir.

Qeyd edək ki, ötən yanvar ayında dda Tayma Oazisində də oxşar yaşayış məntəqəsi tapılmışdı. Bu kəşflər Ərəbistan yarımadasının qədim dövrlərdəki həyatı haqqında mühüm məlumatlar verir.

Telegramda izləyin