Təyyarəylə həbsxanaya uçuş, hadisə yerində qalan sendviç qırıntısı və… - Dünyanı şoka salan cinayətlər

Nəhəng təyyarə oğurlayıb okeanın o tayına uçmaq? Ötən əsrin ortalarında, düz 55 il əvvəl gənc italyan üçün bu, elə də çətin deyildi.

BAKU.WS "Axşam Moskva"ya istinadən bu kimi digər qeyri-adi cinayət hadisələrini təqdim edir:

Çox nəzakətli bandit

31 oktyabr 1969-cu ildə ABŞ dəniz piyadası Raffaele Minichiello xidmətdən evə qayıdarkən 800 dollar əvəzinə cəmi 600 dollar maaş aldığını görür. Bundan sonra 19 yaşlı zirək gənc Kemp-Pendlton hərbi-dəniz bazasının anbarını qarət etməklə bu pulları kompensasiya etməyi qərara alır. Ardınca keçmiş hərbçi tarixi vətəni olan İtaliyaya qayıtmağı planlayır.

O, 15.5 dollar ödəyərək Los-Ancelesden San-Fransiskoya təyyarə bileti alıb göyərtəyə qalxır. Ələ keçirdiyi silhı və patronları tualetdə gizlədir (o vaxt təyyarəyə minərkən ciddi yoxlamalar aparılmırdı). Uçuşdan sonra oğlan tüfəngi çıxarıb Şarlin Delmoniko adlı stüardessaya tuşlayıb və kabinəyə getməyi tələb edib. Gənc orada təyyarənin qaçırıldığını və Romaya uçacağını bildirib. Pilotlar Raffaeleni inandırmağa çalışıblar ki, belə uzaq məsafəyə çatmaq üçün yanacaqları çatmayacaq. Ekipaj gəncə təklif edib ki, təyyarə ən yaxın şəhərdə yerə ensin, yanacaq doldursun. Minichiello bütün sərnişinləri və heyətin bir hissəsini buraxsın və bundan sonra təyyarə yoluna davam etsin. Təyyarəni qaçıran gənc təkliflə razılaşır.

Yolda o, özünü mehriban aparıb və sərnişinləri buraxarkən onlardan birinə Helloven kostyumunu içəridə unutduğu üçün kabinəyə qayıtmağa icazə verib.

Pilotların hadisədən sonra verdikləri məlumatlara görə, uçuş zamanı Raffaele stüardessaya solitaire oynamağı öyrədib, eniş zamanı heyəti otelə aparmağı təklif edib. Nəticədə qaçırılan gəmi ilə 11 min kilometr yol qət edən cinayətkar təbii ki, tutularaq həbsxanaya salınıb. Bununla belə, qaçırılan təyyarənin uçuş məsafəsinə görə dünya rekordu qırılıb.

Əfsanəvi rəsm əsərinin oğurlanması

1911-ci ildə Luvrun əməkdaşı Vinçenso Perugia ertəsi gün binanın ziyarətçilər üçün bağlanacağını bildiyi üçün muzeydə gizlənir. O, ağ iş önlüyünü geyinir və mühafizəçilərin üzünü çevirməsini gözləyir, beləcə Mona Lizanı oğurlayır. Vinçenzo tablonu iki il evdə saxlayıb və sənət əsərini vətəni İtaliyaya aparmağı planlaşdırıb. Çox güman ki, o, bunun qeyri-qanuni olaraq rəssam Leonardo da Vinçidən alındığına inanırdı. Lakin sonda əsər öz yerinə qaytarılıb və oğruya bir il həbs cəzası verilib. Vincenzo Perugia azadlığa çıxanda öz rəsm emalatxanasını açıb.

Diqqətsizlik uğursuz oldu

2003-cü ildə Leonardo Notarbartolo başda olmaqla bir neçə quldur Belçikanın Antverpen Mərkəzindən 100 milyon dollar dəyərində brilyant oğurlayıb. Cinayət üç ilə yaxın planlaşdırılmışdı və Notarbartolo özü mərkəzi daxildən araşdırmaq üçün uzun müddət özünü almaz taciri kimi göstərib. Oğurluğu törətdikdən sonra cinayətkarlar sağ-salamat qaçıblar və müstəntiqlər ərazidə yemək qırıntısı aşkar etməsəydilər, heç vaxt tutula bilməzdilər...

Belə ki, yarı yeyilmiş sendviç, özündə şübhəlilərdən birinə aid olduğunu sübut edilən DNT daşıyırdı.

Telegramda izləyin