Qadın diz çökərək sevgilisinə evlilik təklifi edib - VİDEO

Sevgilisinə evlənmə təklifi etmək üçün diz çökən gənc qadının görüntüləri evliliklə bağlı ənənəvi gender rollarını şübhə altına alan müzakirələrə səbəb olub.

Sonxeber.az xarici mediaya istinadən xəbər verir ki, bu qeyri-adi təklif Sidney limanının heyrətamiz mənzərələri ilə məşhur olan Kirribillidəki "Copes Viewing Deck"də baş verib.

İnstaqram hesabında paylaşılan görüntülərdə qırmızı paltarlı qadın gözləri bağlı sevgilisini çiçəklər, şamlar və romantik masa ilə bəzədilmiş müşahidə göyərtəsinə aparır.

Sevgilisi gözlərini açdıqda rəfiqəsinin əlində açıq üzük qutusu ilə diz çökdüyünü görüb məəttəl qalıb.

Qadın evlilik təklifi edəndə, kişi əyilib onu öpüb.

Amma qadının təsiredici jestinə baxmayaraq, bir çox avstraliyalı düşünür ki, bu təklifi kişi etməli idi.

Vüsalə İbrahimli

Telegramda izləyin