Ələ keçirdikləri Pikasso tablosunu 6 milyon avroya satmaq istədilər

Bayburt Respublika Prokurorluğu tarixi əsər ticarəti və icazəsiz qazıntı cinayətlərinə qarşı tədbir gördü. Bayburtla bağlı Ərzincan, Ərzurum və ətraf vilayətlərdə tarixi əsərlərin ticarət edildiyi, qorunan ərazilərdə icazəsiz qazıntılar nəticəsində əldə edilən əsərlərin yüksək qiymətə satışa çıxarıldığı müəyyən edilib.

Sonxeber.az xarici mediaya istinadən xəbər verir ki, əməliyyat zamanı Osmanlı dövrünə aid 3072 sikkə, təxminən min illik olduğu təxmin edilən Şərqi Roma və Bizans dövrünə aid 178 sikkə və müxtəlif əşyalar, eləcə də dünya şöhrətli rəssam Pablo Pikassoya aid olduğu güman edilən bir tablo ələ keçirildi.

Şübhəlilərin Pikassonun tablosunu 6 milyon avroya satmaq istədikləri müəyyən edilib.

Əməliyyat çərçivəsində tutulan 21 şübhəlidən 19-u ifadələrinin ardından sərbəst buraxılıb. İki şübhəli isə məhkəmə tərəfindən şərti azadlığa buraxılıb.

Vüsalə İbrahimli

Telegramda izləyin