Bu qışla bağlı Moskva sakinlərinə XƏBƏRDARLIQ edildi

Rusiyanın paytaxtında müsbət hava anomaliyası 2025-ci ilin mart ayına qədər davam edəcək.

BAKU.WS xəbər verir ki, bu barədə "Meteonovosti" agentliyinin aparıcı mütəxəssisi Tatyana Pozdnyakova açıqlqama verib.

"Qışın əvvəlində, dekabr və yanvar aylarında Moskvada havanın temperaturunun normadan 1-3 dərəcə yüksək olacağı gözlənilir", - Pozdnyakova qeyd edib.

Mütəxəssisin fikrincə, əksər model hesablamaları "müsbət anomaliyaları saxlayır". Ümumilikdə qış mövsümü demək olar ki, isti olacaq, ən çox yağıntı yanvar ayında olacaq.

"Müsbət hava temperaturu anomaliyası ən azı 2025-ci ilin mart ayına qədər davam edəcək", - ekspert əlavə edib.

Bundan əlavə, qışda Moskvada həddindən artıq yağıntı proqnozlaşdırılır. Dekabrda yağıntının normadan təxminən 20% çox olacağı gözlənilir ki, bu da yağışlı qışa şərait yaradır.

Noyabrın 15-də Moskvada buludlu hava şəraiti, az yağıntılı olacağı, temperaturun +3°C-dək olacağı gözlənilir.

Telegramda izləyin