Evlənmək istəməyən qızlarını küçənin ortasında boğmağa cəhd ediblər - VİDEO

Məcburi ərə verilən 17 yaşlı gənc qız valideynləri tərəfindən sui-qəsd cəhdinə məruz qalıb. Hadisədə ata əvvəlcə qızını boğmağa çalışıb, ana isə qızına hücum edib.

Sonxeber.az xarici mediaya istinadən xəbər verir ki, Lacey şəhərindəki Timberline Liseyində insident gənc qızın İraqa göndərilmək istədiyi üçün evdən qaçması ilə başlayıb. Gənc qız məhkəmə sənədlərində əks olunan ifadəsində "Atam yaşlı kişi ilə evlənmək istəmədiyim üçün məni öldürməklə hədələyirdi" - deyib.

Məktəbə sığınan gənc qız sevgilisi ilə avtobus dayanacağına gedərkən atası İhsan Əli görüb. Ata Əli əvvəlcə qızı ilə ərəbcə mübahisə edib, daha sonra qızının sevgilisini yumruqlayıb. Daha sonra qızını boğmağa çalışan atanı digər tələbələr zərərsizləşdirib. Bu arada ana Zəhraa Subhi Möhsin Əli da davaya qoşularaq qızını boğmağa cəhd edib.

Hadisədən sonra həbs edilən ana və ataya qarşı adam öldürməyə cəhd, adam oğurluğuna cəhd və basqın ittihamları ilə cinayət işi açılıb. Ana oğurluqda da ittiham olunub. Cütlük hazırda 100 min dollar və 200 min dollar girov qarşılığında həbsdədir.

Hadisə zamanı gənc qızın sevgilisinin əli qırıldığı halda, gənc qızın sağlamlıq durumu ilə bağlı dəqiq məlumat verilməyib.

Vüsalə İbrahimli

Telegramda izləyin