Getdiyi zooparkda ayının hücumuna məruz qaladı - VİDEO

İsveçrədəki zooparkda dəhşətli anlar kameralara tuş gəlib.

Sonxeber.az xarici mediaya istinadən xəbər verir ki, 20 yaşlarında olan şəxs 4 metr hündürlüyündəki hasardan tullanaraq ayı çuxuruna atıldıqdan sonra qəzəbli ayının hücumuna məruz qalıb.

Təəccüblənən ziyarətçilərin çəkdiyi kadrlarda ayının həmin şəxsə hücumu və onu kukla kimi fırlatması görünür. Ayı gəncin çiyinlərini dişləyərək xəsarət yetirib. Hücumdan sonra gəncin başından, qollarından və sol əlindən qan axdığı görülüb.

Xilasedicilər ayını dayandırmaq üçün əvvəlcə boş güllələrdən istifadə ediblər. Amma ayı dayanmayanda onun sinəsinə bircə güllə də atmalı oldular. Dərhal əraziyə daxil olan polis və tibb qrupları yaralını xərəkdə təcili yardıma aparıb.

Başından və ayağından ağır xəsarət alan şəxs xəstəxanaya çatdırılıb. Onun vəziyyətinin stabil olduğu bildirilib. Yaralı ayı baytarların müdaxiləsi ilə qısa müddətdə sağalıb.

Hadisədən sonra ictimaiyyət ayıya böyük dəstək verib. Çox adam ayı qəfəsinin önünə gül və bal qabları qoyub. İsveçrənin turizm saytlarının məlumatına görə, ayı hələ də dostu Björk və iki balası ilə eyni çuxurda yaşayır.

Vüsalə İbrahimli

Telegramda izləyin