Charlize Theron gəncliyinin sirrini açıqladı

Dünya şöhrətli aktrisa Şarliz Teron yaşına meydan oxuyan görünüşü ilə diqqət çəkir.

Dəri baxımını heç vaxt laqeyd qoymadığını və praktik, büdcəyə uyğun üsullara sadiq qaldığını bildirən Teronun hər kəsi təəccübləndirən vərdişi var.

Sonxeber.az xarici mediaya istinadən xəbər verir ki, 49 yaşlı aktyor insanların çoxunun gündəlik etdiyi hər gün duş qəbul etmək fikrinə qarşı çıxır. Theron hesab edir ki, hər gün duş qəbul etmək dərini qurudur və saçların daha tez yağlanmasına səbəb olur. Theron "Mən bir həftədir duş qəbul etmirəm və bu mənim üçün yaxşı haldır" - dedi.

Gözəl aktrisa dəriyə qulluqun əsas elementlərindən biri kimi gördüyü günəş kremindən istifadəyə heç vaxt laqeyd qalmır. "Günəşdə qalmamaq dərimi uzun müddətdə qoruyur" deyən Theron, səhər tezdən evdən çıxmalı olduğu halda belə günəşdən qoruyucu kremi sürtməyin vacibliyinə diqqət çəkdi.

Saç baxımına toxunan Theron, parlaq və sağlam saçlara sahib olmaq üçün həftədə iki dəfə saç dərisinə gənəgərçək yağı çəkir. Qaşlarına gənəgərçək yağı da sürdüyünü ifadə edən Theron, "Bu yağ həqiqətən saçlarımı qidalandırır və daha dolğun göstərir" - deyib.

Gündüzlər çox məşğul olduğu üçün gecələr dəri baxımına daha çox vaxt ayırdığını ifadə edən Charlize Theron, "Gecə dərimə daha çox qulluq edirəm. Səhərlər isə sadəcə üzümü yumaq və günəşdən qoruyucu sürtmək üçün ideal bir rejimdir"- dedi.

Teron qeyd edir ki, o, gözəllik sirrini bahalı məhsullarda deyil, sadə və praktik qulluq vərdişlərində axtarır. Şişirdilmiş addımlardan daha çox təməl baxım vərdişlərinə sadiq qalan məşhur aktrisa, "Sadə, lakin təsirli addımlar gözəlliyin ən vacib elementləridir" - deyib.

Vüsalə İbrahimli

Telegramda izləyin