"Kapital Bank" mesajlarda niyə Azərbaycan əlifbasından istifadə etmir? - RƏSMİ AÇIQLAMA

Günümüzdə dilimizin orfoqrafik və orfoepik normalarının pozulması hallarına həm yazılı, həm də şifahi nitqdə rast gəlirik.

"Dövlət dili haqqında" qanuna görə, dövlət dilini bilmək hər bir vətəndaşın borcudur. Hər bir hüquqi, fiziki və vəzifəli şəxs Azərbaycan dilinin orfoqrafiya və orfoepiya normalarına əməl etməlidir.

Dilimizin orfoqrafik normalarına əməl etməyən vətəndaşlarla yanaşı, dövlət qurumları, banklar, mobil operator xidmətləri də az deyil.

Bu müəssiələrdən biri də Kapital Bankdır. Belə ki, Kapital Bank müştərilərə göndərdiyi mesajlarda Azərbaycan deyil, ingilis şiriftlərindən istifadə edir. Bəs görəsən buna səbəb nədir?

Mövzu ilə bağlı Kapital Bank-ın mətbuat xidmətindən Sonxeber.az – a rəsmi açıqlama verilib:

"Bütün nəsil telefonlar Azərbaycan klaviaturasını dəstəkləmir. Bu halda SMS-lər Azərbaycan şirifləri ilə göndərildikdə həmin şiriftlər bəzi telefonlarda fiqur və ya ulduz işarəsi olaraq görünür və oxunaqlı olmur. Bu zaman da məlumat müştəriyə çatmır. Buna görə də belə bir üsul seçilib".

Çiçək Sadatova

Telegramda izləyin