Dekolte geyinərək uşağını məktəbə buraxan modelə valideynlərdən sərt reaksiya

Braziliyalı model Debora Peixoto oğlunu məktəbə buraxarkən geyindiyi paltarlara görə digər valideynlərin narazılığına səbəb olub.

Sonxeber.az xarici mediaya istinadən xəbər verir ki, səhər saat 06:00-da oğlunu məktəbə apararkən şortik və idman büstqalter seçən ana məktəbdəki valideynlərin whatsApp qrupunda sərt tənqidlərə məruz qalıb.

"Gülməli" və "düşüncəsiz" olmaqda günahlandırılan Debora özünü müdafiə edərək, "Səhərin o vaxtı ananın tam kostyum geyinməsi lazım deyil. Evdən işləyirəm və iş qrafikimi özüm müəyyənləşdirirəm" - deyib. İnstaqramda 684 min izləyicisi olan sosial media fenomeni onu tənqid edən analara "öz işinə bax" deyərək qrupdan ayrılıb.

Debora, "oğlumun məktəbində ilk dəfədir ki, belə bir vəziyyətlə qarşılaşıram. Bəzi izləyicilərim paltarlarımı məktəbə uyğun görsə də, bəziləri istədiyim kimi geyinmək azadlığımı müdafiə etdi" - dedi.

Bu hadisə Deboranın daha əvvəl gündəmdə olan şəxsi həyatını yenidən gündəmə gətirib. Model 61 yaşlı əri Anderson və 28 yaşlı Luiza ilə üçlü evliliyi ilə də diqqət çəkib. Üçlük yaxın ətrafının da qatıldığı toy mərasimi keçirərək, tezliklə bal ayına getməyi planlaşdırdıqlarını açıqlayıb.

Debora sözlərini, "Biz öz qaydalarımızı müəyyən edirik və bu, bizim üçün mükəmməl işləyir. Cəmiyyətin tənqidlərinə baxmayaraq, biz xoşbəxtik və birlikdə yeni həyatımıza davam edirik" - deyərək yekunlaşdırıb.

Vüsalə İbrahimli

Telegramda izləyin