Toy günü aldadıldığını öyrənən qadın gəlinliklə atasının evinə qayıtdı

Vyetnamda bəyin xəyanətindən toy günü xəbər tutan gəlin mərasimi yarımçıq qoyub və gəlinlik paltarında ailəsinin evinə 7 kilometr piyada gedib.

Sonxeber.az xarici mediaya istinadən xəbər verir ki, toydan bir gün əvvəl bəyin iş yoldaşı ilə onu aldatdığına dair sübut əldə edən gəlin toy zamanı bu sübutları bəyin ailəsinə göstərib.

Yaşadıqlarını sosial media hesabında paylaşan gəlin, "Öyrəndiyim xəyanət məni çox sarsıtdı. Gəlinliyimlə 7 kilometr yol getdim və evə gələndə ilk işim gəlinliyimi yandırmaq oldu", - deyə bildirib.

Cəmi bir neçə saat davam edən nikahını bitirmək üçün dərhal boşanma ərizəsi verən gəlinin paylaşımları sosial şəbəkələrdə surətlə yayılıb. Minlərlə insan gənc qadına dəstək mesajları göndərib.

Bəy və ailəsi hələlik hadisə ilə bağlı açıqlama verməyib.

Telegramda izləyin