Üç övladına tək baxan ata sosial mediada viral oldu - VİDEO

İzmirdə gündəlik fəhlə işləyən və 3 övladına tək baxan dəmir dülgəri İbrahim Kalenin evdə uşaqları üçün yemək hazırladığı görüntü sosial mediada diqqət çəkib.

Sonxeber.az xarici mediaya istinadən xəbər verir ki, Konak mahalının 2-ci Kadriye məhəlləsində yaşayan və təxminən bir ildir həyat yoldaşı ilə ayrılmış 46 yaşlı İbrahim Kale iş paltarında mətbəxdə yemək hazırladığı və qızının isə "Bu gün məktəbdən gəldik, atam isə evi yığışdırdı, yeməyimizi bişirdi. Bilirsiniz, mənim atam bir dahidir?" fikirlərinin yer aldığı görüntülə sosial şəbəkədə bir çox insan tərəfindən izlənilib.

Ata İbrahim Kale 7, 10 və 17 yaşlı üç övladına həm ana, həm də ata olduğunu bildirib. Dəmir ustası olduğunu bildirən Kale, "Torbalıda bir fabrikdə işləyirdim. Ailə problemləri olanda evə tez gəlib yemək bişirməli olurdum. İş yerim bir neçə ay işləməyə icazə verdi, amma sonra oradan çıxardılıdım" - dedi.

Övladlarını çox sevdiyini ifadə edən Kale, "Bir ata olaraq övladlarıma nəzarət edirəm, etməliyəm də. Uşaqlarımın qayğısına qalmaqdan qürur duyuram, uşaqlarımı canımdan çox sevirəm. Mən bu həyatı həmişə çətinliklə yaşamışam, amma şükürlər olsun ki, övladlarımın boğazına haram yemək keçirtməmişəm" - dedi. Gündəlik maaşla işlədiyinə işarə edən Kale, "Sığortalı iş istəyirəm. Uşaqlarımın sağlamlığı və gələcəyi üçün çalışmaq istəyirəm. Heç kimdən başqa bir şey istəmirəm" - dedi.

Vüsalə İbrahimli

Telegramda izləyin