İnsanın əxlaqı onun geyimi ilə ölçülür? - AÇIQLAMA

Bu gün cəmiyyətdə ən çox müzakirə olunan mövzulardan biri də xüsusilə qadınların geyimləridir. Geyimin insanın əxlaqı ilə əlaqəli olmadığını düşünənlər nə qədər çox olsa da, bunun əksini düşünənlər də heç azlıq təşkil etmir.

Bəs görəsən doğurdan da insanın əxlaqı onun geyindiyi geyimlərləmi ölçülür?

Mövzu ilə bağlı psixoloq Aytən Ələkbərova Sonxeber.az – a açıqlama verib:

"Bu gün geyim əxlaq ölçüsü olmasa da, əxlaqın ölçü meyyarlarından biridir. Çünki, bu gün cəmiyyətdə özünü təqdim etmənin bir neçə kriteriyaları var və geyim də onlardan biri sayılır. Düzdür, bəzən elə ola bilər ki, gənc bir qızın hansısa ziyafət məclisində sinə dekoltesi açıq və ya ətəyi qısa ola bilər. Bu onun əxlaqı ilə bağlı hansısa mənfi düşüncə yaratmamalıdır. Amma gündəlik həyatda müəyyən geyim ölçü meyyarları var və biz buna diqqət etməliyik ki, yad baxışların haqqımızda yaranacaq fikirləri mənfi nəticə verməsin. Geyim ölçüləri ona icazə verir ki, dəbə uyğun olaraq geyinək. Gündəlik də, iş rejimində də geyindiyimiz geyimlər özümüzü təsdiq etməmizdə bizə yardım edir. Yəni, biz bədən ölçülərimizə, məkana uyğun olaraq geyinməliyik. Qısaca, situasiyaya uyğun olaraq geyindiyimiz geyimlər haqqımızda fikirləri formalaşdırır".

Çiçək Sadatova

Telegramda izləyin