İki yaşlı uşaq evdən tapdığı silahla anasını öldürdü

Kaliforniyada 2 yaşlı uşaq evdən tapdığı silahla anasını Cessinya Minanı öldürüb.

Sonxeber.az xarici mediaya istinadən xəbər verir ki, hadisə saat 17:30 radələrində Fresno şəhərindəki Butterfly Grove yaşayış binasında baş verib.

Minanın 18 yaşlı sevgilisi Endryu Sançesin nəzarətsiz saxladığı silah 2 yaşlı uşağın əlində keçib.

Mina çarpayıda uzanarkən azyaşlı oğlu silahı tapıb və tətiyi çəkib. Bu zaman gənc qadın ağır yaralanıb.

Mina qısa zamanda xəstəxanaya çatdırılıb. Lakin o həkimlərin bütün müdaxiləsinə baxmayaraq dünyasını dəyişib.

Hadisədən sonra Minanın sevgilisi Sançez silahını nəzarətsiz saxlamaq və uşaqları təhlükəyə atmaq ittihamları ilə həbs edilib, lakin daha sonra o, sərbəst buraxılıb.

Minanın oğlundan başqa bir də 8 aylıq qızı var idi. Hər iki uşaq hazırda nənə və babalarının yanında qalırlar.

Polis hadisəni araşdırmağa davam edir.

Telegramda izləyin