"Makronun prezidentlik dövrü Fransa miflərinin süqutu ilə yadda qalır" - DEPUTAT

"Müstəmləkəçilik və kolonializm tarixinin əsas hissəsi Fransanın adı ilə bağlıdır. Fransa dünyanın müxtəlif yerlərində, Afrika, Cənub-Şərqi Asiya, Latın Amerikası, Sakit Okean regionunda işğalçı siyasət həyata keçirmiş, ölkələri, xalqları əsarətdə saxlamaqla bəşəriyyət əleyhinə çoxsaylı cinayətlər, soyqırımlar törətmişdir. Onların fəal şəkildə məşğul olduğu qul ticarəti insanlıq tarixinin ən utancverici səhifələrindən biridir".

Bunu Sonxeber.az-a danışan Milli Məclisin deputatı, Ana Vətən Partiyasının sədr müavini Günay Ağamalı bildirib.

Deputat qeyd edib ki, çox təəssüf ki, rəsmi Parisin bu zamana qədər etdiklərinə görə beynəlxalq hüquq çərçivəsində hər hansı bir cavab verilməmişdir:

"Rəsmi Paris özünü dünyaya demokratik dəyərlərə sadiq və beynəlmiləl ölkə kimi tanıtmışdır. Emanuel Makronun prezidentlik dövrü Fransa miflərinin süqutu ilə yadda qalır. O, artıq uğursuz və səriştəsiz ölkə rəhbəri kimi tanınır. Onun ziddiyətli daxili və xarici siyasətində müzakirə olunacaq bir çox məqamlar var. 2018-ci ildən etibarən Fransada başlanan "Sarı Jiletlilər" hərəkatı Makron hökümətin qarşı keçirilən genişmiqyaslı etiraz aksiyalarının nümunəsidir. Emanuel Makronun işçi bazarını liberallaşdırmaq, vergiləri azaltmaq və iqtisadiyyatı canlandırmaq məqsədilə keçirdiyi islahatlar tamamilə əks nəticə verdi. Artan vergilər, iqtisadi bərabərsizlik və sosial ədalətsizlik halları ölkədə xaotik vəziyyət yaratd".

Deputat vurğulayıb ki, neokolinalist meyllərlə yanaşı Fransada irqçilik və islamofobiya halları da geniş vüsət alıb:

"2021-ci ildə Respublika prinsiplərinə hörmətin möhkəmləndirilməsi haqqında qanun qəbul edilməsi və bu qanundan irəli gələrək müsəlmanlara aid məscidlərin, məktəblərin, təşkilatların bağlanması Parisin islamofob politikasının göstəricisidir. Emanuel Makronun İslam dini və müsəlmanlara qarşı nifrəti Fransanın anti-İslam ritorikasını stimullaşdırır. Bu gün Fransa uğursuzluqlarının davamı olaraq Afrikada da öz nüfuzunu sürətlə itirir. Qitə dövlətləri Parisin neokolinalist siyasətinə son verməkdə qərarlıdır. Niger, Mali, Mərkəzi Afrika Respublikası və Burkina Fasodan fransız hərbi varlığının çıxarılması Yelisey Sarayının əsrlərdir davam edən müstəmləkə siyasətinin tənəzzülə uğradığının əyani sübutudur".

Telegramda izləyin