Həyat yoldaşı ilə mübahisə etmək kişinin ölümünə səbəb oldu

Şişlidə boşanma prosesində olduğu həyat yoldaşı Yeşim Yılmazla mübahisə edən Kadir Yılmaz (33) yaşadıqları evin 4-cü mərtəbəsindəki eyvandan yıxılıb.

Sonxeber.az türk mediasına istinadən xəbər verir ki, hadisə saat 21.30 radələrində Gülbahar rayonunda baş verib. Belə ki, bir müddətdir aralarında ciddi fikir ayrılıqları olan Kadir Yılmaz və Yeşim Yılmaz boşanmaq üçün məhkəməyə müraciət ediblər. Hələ də bir evdə yaşayan cütlük arasında mübahisə başlayıb. Mübahisə getdikcə böyüyüb və əsəbiləşən Kadir Yılmaz balkona çıxıb. Bir müddət sonra Yılmaz 4-cü mərtəbədən yıxılıb.

Yılmazı beton döşəməyə yıxıldığını görən arvadı qışqırmağa başlayıb. Hadisəni görən vətəndaşların məlumatı üzərinə əraziyə təcili tibbi yardım və polis sövq edilib. Evə gələn həkimlərin ilkin müayinəsi zamanı Kadir Yılmazın həyatını itirdiyi müəyyən edilib.

Hadisə ilə əlaqədar araşdırma başladan polis qrupları bölgədə təhlükəsizlik zolağı quraraq ehtiyyat tədbir alıb. Araşdırmalardan sonra Kadir Yılmazın meyiti tibbi ekspertizaya aparılıb.

Faktla bağlı istintaq davam edir.

Telegramda izləyin