Gecə klubundan çıxan qadın bir-neçə saat sonra müəmmalı şəkildə dünyasını dəyişib

Portsmutda yaşayan Jami Smit (23) qızının dördüncü doğum gününə saatlar qalmış çoxmərtəbəli avtoparkdan yıxılaraq dünyasını dəyişib.

Sonxeber.az xarici mediaya istinadən xəbər verir ki, hadisə baş verən gecə gənc qız sevgilisi ilə əvvəlcə mübahisə edib, daha sonra kimliyi məlum olmayan kişi ilə gecə klubuna gedib.

Təhlükəsizlik kamerasının görüntülərində Smitin gecə klubunda bir kişi ilə içki içdiyi görünür. Lakin klubda bəzi kameraların işləməməsi səbəbindən həmin şəxsin kimliyini müəyyən etmək mümkün olmayıb.

Gecə saat 02:00 radələrində klubdan tək çıxan Smit bir müddət küçələrdə dolaşdıqdan sonra Tesco yaxınlığındakı avtomobil parkına gedib. Təhlükəsizlik kameralarında gənc qadının burdakı hündür divardan aşağı yıxıldığı görünüb. Hadisə nəticəsində o dünyasını dəyişib.

Jaminin anası Culiya Stepson, qızının narkotik istifadə etdiyindən şübhələndiyini bildirib. Polisin araşdırmasını yetərsiz hesab edən ana qızının ölümünün dəqiq səbəbinin araşdırılmasını tələb edib.

Faktla bağlı başladılan istintaq davam edir.

Telegramda izləyin