Ögey anasının verdiyi cəza 5 yaşlı oğlanın ölümünə səbəb oldu

ABŞ-ın Florida ştatında 25 yaşlı Çeyen Fite adlı qadın 5 yaşlı ögey oğlu Rayli Hokkbekə həyətdəki toyuqlara zərər verdiyinə görə dəhşətli cəza verib.

Sonxeber.az xarici mediaya istinadən xəbər verir ki, Fite ögey oğlunu cəzalandırmaq üçün onu çılpaq şəkildə çölə atıb. Küçədə üşüyən və tək qalan balaca uşaq 2 metrlik kanalizasiya çuxuruna düşüb.

Bir gün sonra polis Hokbekin cansız bədənini kanalizasiya çuxurundan tapıb. Uşağın meyiti tibbi ekspertizaya göndərilib. Məhkəmə-tibb ekspertləri uşağın ağciyərlərinin kanalizasiyadakı maddələrdən korlandığını müəyyən ediblər.

Fite polis tərəfindən saxlanılıb. Lakin o ifadəsində ittihamları rədd edib. Məhkəmə ögey ananı uşağın ölümünə səbəb olmaqda günahlandırsa da, onun cəzası hələ müəyyən edilməyib.

Faktla bağlı istintaq davam edir.

Telegramda izləyin