Tarkan təyyarə qəzası ilə bağlı paylaşım etdi

Türkiyənin pop ulduzu Tarkan dekabrın 25-də Bakı-Qroznı təyyarə reysində baş verən qəza ilə bağlı Azərbaycana başsağlığı verib.

Sonxeber.az xəbər verir ki, o, bu barədə sosial şəbəkədə paylaşım edib.

"Keçmiş olsun, Azərbaycan. Dünən baş verən qəza üçün çox üzgünəm. Həyatını itirənlərə Allahdan rəhmət, yaxınlarına isə səbir və başsağlığı diləyirəm", - deyə müğənni paylaşımında bildirib.

Qeyd edək ki, AZAL-a məxsus Bakı-Qroznı aviareysini həyata keçirən "Embraer" sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Qəza nəticəsində sərnişinlərin 38-i həlak olub, 3-ü uşaq olmaqla 29-u sağ qalıb.

Telegramda izləyin