Təyyarə qəzasından sağ çıxan Nurulla Siracov həyat yoldaşı ilə görüşdü

Aktauda təyyarə qəzasından sonra həyat yoldaşı Müslümat Siracova ilə əlaqə saxlaya bilmədiyini deyən Nurulla Siracov onunla görüşüb.

Oxu.Az xəbər verir ki, bu barədə görüntülər sosial şəbəkələrdə paylaşılıb.

Görüntülərdən aydın olur ki, N.Siracov həkimlərin müşayiəti ilə klinikada həyat yoldaşına baş çəkib.

Qeyd edək ki, əslən Zaqatala rayonunun Danaçı kəndindən olan ər-arvad Siracovlar dekabrın 25-də Bakıdan Qroznıya uçan və Aktau yaxınlığında qəzaya uğrayan təyyarədə olublar. N.Siracovun xəstəxanadan çəkilmiş videosunda o, həyat yoldaşının qəza anında yanında oturduğunu, lakin ayılandan sonra onu görmədiyini, həyat yoldaşı üçün darıxdığını bildirmişdi.

Həmin görüntüləri təqdim edirik:

Telegramda izləyin