Boş ərazidə ağzında cərrahi maska olan kişi meyiti tapılıb

Malatyanın Yeşilyurt rayonunda boş ərazidə ağzına cərrahi maska taxılmış kişi meyiti tapılıb.

Sonxeber.az türk mediasına istinadən xəbər verir ki, hadisə Salköprü qəsəbəsində baş verib. Vətəndaşlar saat 07:00-də Turqut Təmelli küçəsində köhnə binanın yanındakı boş ərazidə bir nəfərin yerdə hərəkətsiz uzandığını görüblər.

Onlar dərhal 112 Təcili Zəng Mərkəzinə vəziyyətlə bağlı məlumat veriblər. Xəbər üzərinə hadisə yerinə təcili tibbi yardım və polis qrupları sövq edilib. İlk müayinələr zamanı həkimlər həmin şəxsin öldüyünü müəyyən ediblər. Meyitin ağzında cərrahi maska olması diqqət çəkib.

Hadisə yerində aparılan araşdırmalar tamamlandıqdan sonra kimliyi müəyyən edilməyən şəxsin meyiti tibbi ekspertizaya göndərilib.

İlkin ehtimala görə, intihar kimi qiymətləndirilən hadisə ilə bağlı araşdırmalar davam edir.

Telegramda izləyin