Həkimlər bu heyvanlardan uzaq durmaq barədə əhaliyə xəbərdarlıq edib: VİRUS TƏHLÜKƏSİ VAR

Qərbi Afrika ölkələrindən olan Nigeriyada heyvanlardan insanlara keçən Lassa qızdırması səbəbindən bir həftə ərzində 10 nəfərin həyatını itirdiyi bildirilib.

Sonxeber.az xarici mediaya istinadən xəbər verir ki, Nigeriya Xəstəliklərə Nəzarət Mərkəzinin (NCDC) verdiyi açıqlamada ölkədə Lassa qızdırması epidemiyasının yayılmağa davam etdiyi bildirilib.

Açıqlamada ölkədə son bir həftədə 54 Lassa qızdırması hadisəsinin aşkar edildiyi, epidemiya səbəbindən 10 nəfərin həyatını itirdiyi qeyd olunub. Keçən il ölkə daxilində 190 adamın ölümünə səbəb olan epidemiyada hökumətin xəstəliyin müalicəsi üçün 3 dərman təyin etidiyi açıqlanıb.

Qeyd edək ki, Mali, Toqo, Qana, Liberiya və Sierra Leone kimi bir çox Afrika ölkəsində müşahidə edilən Lassa qızdırması ilk dəfə 1969-cu ildə ölkənin şimal-şərqindəki Borno əyalətində aşkarlanıb.
Nigeriya hökuməti 23 yanvar 2019-cu ildə Lassa qızdırması səbəbindən fövqəladə vəziyyət elan edib.

Xəstəliyin mənbəyi siçan nəcisidir. Belə ki, siçandan insana keçən xəstəlik ölümcül hemorragik qızdırmaya səbəb olur.

Səlahiyyətlilər əhaliyə siçan və digər gəmiricilərlə təmasda olmamaq barədə xəbərdarlıq edib.

Telegramda izləyin