Ərinin sevgilisinə bənzətdiyi qadını ölümcül döydü - VİDEO

Ədirnədə bir qadın küçənin ortasında tanımadığı qadının qəfil hücumuna məruz qalıb.

Sonxeber.az türk mediasına istinadən xəbər verir ki, hadisə Əbdürrəhman məhəlləsində baş verib. Belə ki, Hamiyet Bingül (40) əri və uşağı ilə bazarda alış-veriş etdikdən sonra avtomobilini evinin qarşısında saxlayıb. O maşından düşərkən tanımadığı qadının hücumuna məruz qalıb.

Qadın Bingülü tanınmaz hala düşənə qədər döyüb. Daha sonra şübhəli qadın "Səni ərimin sevgilisinə oxşatdım üzr istəyirəm" deyərək hadisə yerindən qaçıb.

Təcili tibbi yardımla xəstəxanaya çatdırılan Bingül müalicəsinin ardından evə buraxılıb. O şübhəli qadından polisə şikayət edib.

Qısa müddətdən sonra saxlanılan şübhəli polisə ifadəsində qadını ərinin sevgilisinə bənzətdiyini və sonradan səhv adamı vurduğunu başa düşdüyünü bildirib. O ifadəsi alındıqdan sonra məhkəməyə göndərilib.

Faktla bağlı istintaq davam edir.

Telegramda izləyin