Bölgələrimizin inkişafı üçün hansı addımlar atılmalıdır? - AÇIQLAMA

"Bakıdakı tıxac probleminin yeganə həll yolu bölgələri inkişaf etdirməkdir" – bu sözləri Sonxeber.az - a açıqlamasında nəqliyyat eksperti Elməddin Muradlı bildirib.

Bəs görəsən bölgələrin inkişafı üçün hansı addımlar atılmalıdır?

Mövzu ilə bağlı sosioloq Elçin Bayramlı Sonxeber.az - a açıqlama verib:

"Bunun əsas həlli yolu bölgələrdə iş yerlərinin sayını artırmaqdır. Dövlət bununla bağlı hər hansı ciddi tədbir görmür. Mən hesab edirəm ki, görülən müəyyən işlər də effektiv deyil. Yaxşı olardı ki, kompleks şəklində dövlət proqramları həyata keçirilsin. Xüsusən iş yerlərinin yaradılması, azad rəqabət şəraitli kiçik bizneslərə, sahibkarlığa dəstək proqramları olmalıdır. Dövlət öz böyük investisiyaları hesabına fabrik və zavodların sayını artıra bilər. Rayonlarımızda fabrik və zavodların sayı artırılmalıdır. Özünüməşğulluq proqramı çox zəifdir, buna da nəzarət etmək lazımdır. Bizim bunun üçün hədsiz mailiyyə imkanlarımız var. 75 milyardlıq strateji ehtiyatımız var, büdcə gəlirlərimiz çox yüksəkdir. Amma biz getdikcə görürük ki, işsizlik səviyyəsi daha da artır. Bu gün maaşlar artan qiymətlərin fonunda heç tək insanın xərclərini qarşılamağa kömək eləmir, nəinki ailə dolandırmaq. Bu halın qarşısını almaq üçün dövlət öz imkanları hesabına bir sıra ciddi tədbirlər görməlidir".

Çiçək Sadatova

Telegramda izləyin