Sevgi münasibətlərində qadınların emosional istəkləri niyə kişilərə ağır yük kimi gəlir? - AÇIQLAMA

Romantik münasibətlər qadın və kişilərin bir-birinə qarşı hiss etdiyi sevgi və hörmət hissindən yaranır. Zaman keçdikcə istəklər də tələblər də artır. Adətən kişilər qadınların istəklərindən bezir, yorulur və hətta qadınların emosional istəklərini özlərinə yük hesab edirlər.

Bəs görəsən niyə sevgi münasibətlərində qadınların emosional istəkləri niyə kişilərə ağır yük kimi gəlir?

Mövzu ilə bağlı psixoloq Aytən Ələkbərova Sonxeber.az - a açıqlama verib:

"Xanımları emosional istəkləri bəzən həddindən artıq tələb formasında olur. Bu da, belə olduğu zaman kişi özünü yük altında hiss edir. Onda da kişi münasibəti sonlandırmağa doğru addım atır. Sadəcə olaraq özündən istifadə olunduğunu düşünən bir bəy getdikcə bu istəklər qarşısında aciz qalır. Öhdəlik və istəklər o qədər artır ki, onların bir adamdan tələb edilməsi təbii ki, soyuqluğa gətirib çıxarır. Bəzən görürük ki, münasibətlərdə 90 faiz hər şey tamamdır, amma geridə qalan 10 faiz emosional istəklərsə yox. Bu zaman münasibət pozulmağa başlayır. Düşünürəm ki, belə səbəblərdən sizi sevən insanları itirməyə dəyməz".

Çiçək Sadatova

Telegramda izləyin